အထွေထွေရောဂါများ

Isotretinoin (ဝက်ခြံဆေး) မသောက်မီ သင့်ကျန်းမာရေးကို အကဲဖြတ်ရန် သွေးစစ်ပါ

isotretinoin ဝက်ခြံပျောက်ဆေး၏ ဘေးထွက်ဆိုးကျိုးများ

Isotretinoin ဆေးဝါး၏ မကြာခဏတွေ့ရလေ့ရှိသော ဘေးထွက်ဆိုးကျိုးများမှာ လည်ချောင်းခြောက်ခြင်း၊ နှုတ်ခမ်းခြောက်ခြင်း အပါအဝင် မျက်လုံးခြောက်ခြင်း၊ အရေပြားခြောက်ပြီး ပါးလွှာလာခြင်းနှင့် နေရောင်ခြည်ကို ပိုမိုထိခိုက်လွယ်လာခြင်း၊ ပုံမှန်ထက် ကြွက်သားများ ပိုမိုနာကျင်ကိုင်ရိုက်လွယ်ခြင်း သို့မဟုတ် ခေါင်းကိုက်ခြင်းနှင့် သွေးတွင်းအဆီဓာတ် ပုံမှန်မဟုတ်ဘဲ မြင့်တက်လာခြင်းတို့ ဖြစ်ကြပါသည်။ သို့သော် ဤဘေးထွက်ဆိုးကျိုးများသည် အန္တရာယ်မရှိသော ဘေးထွက်ဆိုးကျိုးများဖြစ်ပြီး ဆေးသောက်သုံးမှု ရပ်ဆိုင်းလိုက်ပါက ပြန်လည်ပျောက်ကင်းသွားမည် ဖြစ်ပါသည်။

“သို့သော်လည်း ဆေးသောက်သုံးသူများအနေဖြင့် ဆေးဝါးကို အသုံးပြုသည့်အခါ နားလည်သဘောပေါက်ထားရန် လိုအပ်ပြီး ဖြစ်ပေါ်လာသော ဘေးထွက်ဆိုးကျိုးများကြောင့် မိမိကိုယ်ကို ပိုမို ဂရုစိုက်စောင့်ရှောက်ရန် လိုအပ်ပါသည်။ ဥပမာအားဖြင့် အဆီဓာတ်မြင့်မားသော အစားအစာများကို လျှော့စားခြင်း၊ အရေပြား စိုစွတ်မှုရရှိစေရန် မာရ်ချာရိုဇာ (Moisturizer) အသုံးပြုခြင်းနှင့် နေလောင်ကာခရမ် (Sunscreen) ကို စနစ်တကျ မပျက်မကွက် လိမ်းပေးခြင်း စသည်တို့ ဖြစ်ကြပါသည်။”

ပြင်းထန်သော်လည်း တွေ့ရခဲသော ဘေးထွက်ဆိုးကျိုးများမှာ အသည်းရောင်ခြင်း၊ စိတ်ခံစားချက်ကို ထိခိုက်စေပြီး စိတ်ဓာတ်ကျခြင်းကို ဖြစ်ပေါ်စေနိုင်ခြင်း သို့မဟုတ် မူလကတည်းက စိတ်ဓာတ်ကျရောဂါရှိသူများတွင် ရောဂါလက္ခဏာ ပိုမိုဆိုးရွားလာစေခြင်းနှင့် သေကြောင်းကြံစည်လိုစိတ် ပိုမိုများပြားလာစေခြင်းတို့ ဖြစ်ကြပါသည်။ ထို့ကြောင့် Isotretinoin ဆေးမသောက်မီ ကျန်းမာရေးစစ်ဆေးမှု ပြုလုပ်ရန် လိုအပ်ပါသည်။

ဝန်ဆောင်မှုအတွက်လိုအပ်ပါကဖုန်းခေါ်ဆိုရင်(သို.)လိုင်းစိမ်းမှာစာပို့လာနိုင်ပါတယ်ရှင့်

isotretinoin ဆေးကို အသုံးပြုရာတွင် တားမြစ်ချက်များနှင့် သတိပြုရန်အချက်များ

Isotretinoin ဆေးကို အသုံးပြုရာတွင် တားမြစ်ချက်မှာ ကိုယ်ဝန်ဆောင်ထားခြင်း ဖြစ်ပါသည်။ အကြောင်းမှာ ထိုဆေးသည် သန္ဓေသားတွင် ၄၀ ရာခိုင်နှုန်းအထိ ပြင်းထန်သော မွေးရာပါ ချို့ယွင်းချက်များကို ဖြစ်ပေါ်စေနိုင်သောကြောင့် ဖြစ်ပါသည်။ ထို့အပြင် ကလေးငယ်များနှင့် အရိုး၊ ကြွက်သား ကြီးထွားဖွံ့ဖြိုးမှုကိုလည်း ထိခိုက်စေနိုင်သဖြင့် မိခင်နို့တိုက်ကျွေးနေသူများနှင့် အသက် ၁၈ နှစ်အောက် ကလေးငယ်များတွင်လည်း အသုံးပြုခြင်းကို တားမြစ်ထားပါသည်။ ထို့ကြောင့် Isotretinoin ဝက်ခြံပျောက်ဆေးကို သောက်သုံးနေသော အမျိုးသမီးလူနာများသည် သားဆက်ခြားနည်းလမ်းများကို တင်းကြပ်စွာ ကျင့်သုံးရမည် ဖြစ်ပါသည်။

မူလကတည်းက အသည်းရောင်ရောဂါ သို့မဟုတ် အသည်းပုံမှန်မဟုတ်သည့် ရောဂါအခံရှိသူများ၊ သွေးတွင်းအဆီဓာတ် မြင့်မားသူများ၊ စိတ်ကျန်းမာရေး ရောဂါအခံရှိသူများနှင့် ဗီတာမင်အေ ဒြပ်ပေါင်းများ ပါဝင်သော အာဟာရဖြည့်စွက်စာ သို့မဟုတ် ဆေးဝါးများကို သောက်သုံးနေသူများတွင် အသုံးပြုရာတွင် သတိပြုရမည် ဖြစ်ပါသည်။

ဝက်ခြံပျောက်ဆေး မသောက်မီ ကျန်းမာရေးစစ်ဆေးခ

• Isotretinoin ဝက်ခြံပျောက်ဆေး မသောက်မီ ကျန်းမာရေးစစ်ဆေးခမှာ ၁,၆၅၀ ဘတ် ဖြစ်ပါသည်။
• ကျန်းမာရေးစစ်ဆေးမှု ရလဒ်ကို ၁ ရက်အတွင်း စောင့်ယူနိုင်ပါသည်။
• အင်ထပ်ချ်မဒီကဲ (Intouch Medicare) တွင် ဆရာဝန်နှင့် ဝက်ခြံပျောက်ဆေး မသောက်မီ သွေးစစ်ဆေးနိုင်ပြီး အကြံဉာဏ်ပေး၍ ဝန်ဆောင်မှုပေးမည့် ဝန်ထမ်းများ ရှိပါသည်။

ဝန်ဆောင်မှုအတွက်လိုအပ်ပါကဖုန်းခေါ်ဆိုရင်(သို.)လိုင်းစိမ်းမှာစာပို့လာနိုင်ပါတယ်ရှင့်

Isotretinoin ဝက်ခြံပျောက်ဆေး မသောက်မီ သွေးစစ်ဆေးရာတွင် မည်သည့်အချက်များကို စစ်ဆေးရမည်နည်း။

ဆီးဖြင့် ကိုယ်ဝန် ရှိ/မရှိ စစ်ဆေးခြင်း (Urine pregnancy test)

ဆေးကို စိတ်ချလုံခြုံစွာ စတင်သောက်သုံးနိုင်ရန် ဖြစ်ပါသည်။ အကြောင်းမှာ ထိုဆေးသည် သန္ဓေသားတွင် ၄၀ ရာခိုင်နှုန်းအထိ ပြင်းထန်သော မွေးရာပါ ချို့ယွင်းချက်များကို ဖြစ်ပေါ်စေနိုင်သောကြောင့် ဖြစ်ပါသည်။ ဆေးမစမီ လူနာတွင် ကိုယ်ဝန်ရရှိနိုင်သည့် စွန့်စားရမှုရှိပါက စွန့်စားရမှုရှိပြီးနောက် ၄ ပတ်ခန့်အကြာတွင်ကိုယ်ဝန် ရှိ/မရှိ ပြန်လည်စစ်ဆေးရန် စောင့်ဆိုင်းသင့်ပါသည်။ အကြောင်းမှာ ကိုယ်ဝန်နုစဉ်ကာလတွင် စစ်ဆေးပါက ကိုယ်ဝန်ရှိကြောင်း မတွေ့ရှိနိုင်သေးသောကြောင့် ဖြစ်ပါသည်။

အသည်းလုပ်ဆောင်ချက် စစ်ဆေးခြင်း (Liver Function Test)

ဆေးသည် အသည်းရောင်ခြင်းကို ဖြစ်ပေါ်စေနိုင်ပြီး မူလကတည်းက အသည်းဓာတ် ပုံမှန်မဟုတ်သည့် လူနာများတွင် ပိုမိုပြင်းထန်လာစေနိုင်သောကြောင့် ဖြစ်ပါသည်။ သွေးစစ်ဆေးရာတွင် အောက်ပါ အသည်းအင်ဇိုင်း (Enzyme) များကို စစ်ဆေးနိုင်သည် သို့မဟုတ် အသည်းလုပ်ဆောင်ချက် အပြည့်အဝစစ်ဆေးခြင်း (Liver function test) ကိုလည်း ပြုလုပ်နိုင်ပါသည်။

• အသည်းအင်ဇိုင်းပမာဏ SGPT (ALT)
• အသည်းအင်ဇိုင်းပမာဏ SGOT (AST)
• အသည်းအင်ဇိုင်းပမာဏ ALP (Alkaline phosphatase)

ကျောက်ကပ်လုပ်ဆောင်ချက် စစ်ဆေးခြင်း (Creatinine)

ဆေးမစမီ ကျောက်ကပ်၏ ကျန်းမာရေးနှင့် လုပ်ဆောင်ချက်ကို အကဲဖြတ်ရန် ဖြစ်ပါသည်။ အကြောင်းမှာ ဆေးဝါး စွန့်ထုတ်မှုကို ထိခိုက်စေနိုင်ပြီး ဘေးထွက်ဆိုးကျိုးများ ပိုမိုများပြားလာစေနိုင်သောကြောင့် ဖြစ်ပါသည်။

သွေးတွင်းအဆီဓာတ် ပမာဏ စစ်ဆေးခြင်း (Lipid profile)

ဆေးသည် သွေးတွင်းအဆီဓာတ်ကို ပုံမှန်မဟုတ်ဘဲ မြင့်တက်လာစေနိုင်သောကြောင့် ဆေးမစမီ သွေးတွင်းအဆီဓာတ် ပမာဏကို ကြည့်ရှုရန်နှင့် ဆေးသောက်ပြီးနောက် အဆီဓာတ် ပမာဏ မည်မျှပြောင်းလဲသွားသည်ကို စောင့်ကြည့်စစ်ဆေးရန် လိုအပ်ပါသည်။

• စုစုပေါင်း ကိုလက်စထရော ပမာဏ (Total cholesterol)
• ထရိုင်ဂလစ်စရိုက် ပမာဏ (Triglyceride)
• အကျိုးပြုအဆီ/အဆီကောင်း ပမာဏ (HDL)
• အကျိုးမဲ့အဆီ/အဆီဆိုး ပမာဏ (LDL)

---

အင်ထပ်ချ်မဒီကဲ (Intouch Medicare) တွင် ဆရာဝန်နှင့် ဝက်ခြံပျောက်ဆေး မသောက်မီ သွေးစစ်ဆေးနိုင်ပြီး အကြံဉာဏ်ပေး၍ ဝန်ဆောင်မှုပေးမည့် ဝန်ထမ်းများ ရှိပါသည်။

Isotretinoin ကို မည်သည့်အချိန်တွင် သောက်သုံးရမည်နည်း၊ မည်မျှကြာအောင် သောက်သုံးရမည်နည်း

ဝက်ခြံပျောက်ဆေး Isotretinoin ကို အများအားဖြင့် တစ်နေ့လျှင် ၁ ကြိမ် (မနက် သို့မဟုတ် ညနေ) သောက်သုံးရပါသည်။ သောက်သုံးရမည့် ကာလမှာ ဝက်ခြံ၏ ပြင်းထန်မှု၊ ရောဂါအခံ၊ ခန္ဓာကိုယ်အလေးချိန်နှင့် ကုသမှုရလဒ် စသည်တို့ပေါ် မူတည်၍ ပုံမှန်အားဖြင့် ၃ လမှ ၆ လအထိ ကြာမြင့်လေ့ရှိပါသည်။

ဝက်ခြံပျောက်ဆေး မသောက်မီ ဘာကြောင့် သွေးစစ်ရန် လိုအပ်သနည်း

“Isotretinoin ဆေးကို အန္တရာယ်ကင်းစွာ စိတ်အချရဆုံး သောက်သုံးနိုင်ရန်အတွက် မသောက်မီ ကျန်းမာရေးစစ်ဆေးမှု ပြုလုပ်သင့်ပါသည်။”

Intouchmedicare အထွေထွေကုသရေးအ‌ဆေးခန်း
ဆေးဘက်ဆိုင်ရာကုသရေးဆေးခန်း

နောက်ဆုံးပြင်ဆင်ရေးသားခြင်း : 14/09/2026

ရုပ်ပုံများကို ပညာရေးဆိုင်ရာ သို့မဟုတ် ပညာပေးရည်ရွယ်ချက်များအတွက်သာ အသုံးပြုရန်ခွင့်ပြုထားပြီး intouchmedicare.com ကို ခရက်ဒစ် ပေပြီး အသုံးပြုနိုင်ပါသည်။